ደወለችልኝ አከታትላ ቢጨንቃት፣

ፋታ ላትሰጠኝ በለሊት።

አንድ ጊዜ ያዝልኝ ፣

ሌላ ጥሪ መጣብኝ ፣

አልኩና የድንገተኛ ክፍል ሀኪሙን፣

አነሳሁላት ስልኩን።

“ዶክተር ነኘ፣ ከፅኑ ህሙማን፣

የደሟ ጨው በጣም ዝቅ ያለ ታማሚ አለችን፣

ያንተን እርዳታ እንፈልጋለን ።”

አለች …ቶሎ ቶሎ እየተነፈሰች።

ለመሆኑ ስንት ቢሆን ነው ?

የጨው ማነስ ክፋት አለው።

“ዘጠና ዘጠኝ “

በሊትር?

ነው ያልሽው  ዶክተር?

እንደዚህም  ያነሰ አላየሁ።

“ምኑንም አታዉቀው

ያመጣት ባሏ ነው”

በእኩለ ሌሊት፣

በዌስተን ከተማ ፣ፍሎሪዳ ግዛት፣

ነጩን የሆስፒታል ጋዉን፣

ከመኪናዬ ዃላወንበር ፣

አንገቴላይ ጣል አርጌ፣

የልብ ማዳመጫውን፣

የደሟን ጨው ላስተካክል፣

እየተማፀንኩ ወላዲትን፣

ደረስኩ…እየከነፍኩ!

ማሪያ ፣ ማሪያ

ማሪያ ፎልች?

አይኗን እንደከደነች  ፣

እጆቿን አንቀሳቀሰች።

የተከማቸ ጨው ፣

የያዘውን የፈሳሽ ቀመር፣

በልክ በልኩ፣

ሰጠናት በደምስር ።

ጠጥታ ኖሯል ፣ብዙ ፈሳሽ

ከውሀው፣ ከጭማቂው

ከሻይና ከቡናው።

አዋቂ ነኝ ባይ ልጅት፣

መጥታ ከሌላ ግዛት፣

ለኩላሊት ጥሩ ነው መጠጣት፣

ብላ… ፈሳሹን ሁሉ ብታግታት

የደሟ ጨው ከመቶ አርባ ፤

አሽቆለቆለ እያዋዛት።

መጀመሪያ ድንግዝግዝ ፣

ማቅለሽለሽ ማስመለስ፣

ከዛ ማ ምኑን አውቃው።

በልክ በልኩ በቀስታ፣

እንዳይነፍር ጭንቅላቷ፣

ገድበን በቀን ከስምንት ፣

ከዘጠናዘጠኝ …መቶ ሰባት፣

ከዛም መቶ አስራ አራት ፣

አስተካከልነው የጨው መጠኗን፣

አምስት ቀን ፈጅቶብን፣

አማላጅ ይዘን ወላዲትን።

ዉሀም ይወስዳል ፣ በልኩ ካልሆነ፣

እያንገዛገዘ ፣ እያጥወለወለ።

ሱራፌል

( severe hyponatremia, ከሆስፒታል ገጠመኞቼ)